Top.Mail.Ru
Аз зиёии асил бадӣ намеояд
Новости

Аз зиёии асил бадӣ намеояд

Дар навиштаи С. Ятимов «Марде шоиста ва зиёие истисноӣ, ё достони ғаму шодӣ» чеҳраи аслии як нафар олим, ки бо дилсофию росткорӣ ва зудбоварӣ ба доми найранги дасисабозону мансабталошон афтида, аз амали худ пушаймон шудааст, тасвир гардидааст. Ин мард донишманди муътабарест, ки дар ҷамъият мақому обрӯ дошт, аммо тақдири ӯ мақоли «одамӣ шири хомхӯрда»-ро ба хотир меорад. Воқеан, одамони заҳматкаш, меҳнатдӯст як роҳ доранд, ки он роҳи рост аст. Чун ин тоифа дили соф доранд ва нияташон нек аст, гумон мекунанд, ки дигарон низ чунинанд. Бинобар ин, дар зиндагӣ бисёр фиреб мехӯранд.

Мақола як навъ сабақҳои зиндагӣ ва ҳаётии инсонеро баён мекунад, ки дар касби худ намуна аст, садҳо нафар шогирд тайёр кардааст, даҳҳо нафар мисли ӯ шуданро ҳавас кардаанд. Ӯ ба иштибоҳи худ қоил аст, виҷдонан азоб мекашад, мехоҳад гуноҳи нокардаашро ҷуброн кунад.

Аммо ҳикмати ёддоштҳо навиштан паҳлуи дигар ҳам дорад. Дар пасманзари нақл порчае аз дунёи як нафар олим ва тарбиятгар ҳувайдо мешавад. Бозгӯ намудани найранг­ҳои зиндагӣ ба хотири манфиатҳои шахсиву гурӯҳӣ ба доми фиреб кашидани мардум, хосса қобилони давр омӯзанда аст. Аз дунёи тағйирёбанда ё худ гузашти рӯзгор сабақ бояд гирифт, то дар ин замони пурфоҷиа ба гирдоби найрангҳои ҷаҳони глобалӣ наафтем.

Мурод МУРОДӢ, устоди факултети журналистикаи ДМТ

×