Иқдоми арзанда

Ба шарофати ташаббус ва дастгириҳои пайвастаи Пешвои муаззами миллат муҳтарам Эмомалӣ Раҳмон соҳаи маорифи кишвар сол то сол рушд ва тавсеа меёбад. Ҳукумати Ҷумҳурии Тоҷикистон маорифро самти афзалиятноки сиёсати иҷтимоии худ қарор дода, барои беҳтар намудани шароити таълим ва фароҳам овардани имкониятҳои баробар баҳри дастрасии маълумоти босифат ба тамоми шаҳрвандон тадбирҳои мушаххас меандешад.

Дар ин замина, бунёди муассисаҳои таълимии замонавӣ, таъмини онҳо бо технологияҳои иттилоотӣ ва коммуникатсионӣ, нашри китобҳои дарсӣ ва адабиёти бадеӣ, омода намудани кадрҳои баландихтисос ва дастгирии моддии омӯзгорон аз ҷумлаи иқдомҳои назарраси Ҳукумати кишвар ба шумор мераванд.

Ғамхориҳои Пешвои миллат нисбат ба омӯзгорон ва хонандагон боиси он гардидааст, ки сатҳи дониши хонандагон баланд гардида, шумораи довталабони муассисаҳои таълимии олии касбӣ сол то сол афзуда истодааст. Олимону омӯзгорони мо низ дар арсаи байналмилалӣ бо дастовардҳои худ номи Тоҷикистонро муаррифӣ намуда, дар рушди илму техника саҳми арзанда мегузоранд.

Бо итминони комил метавон гуфт, ки таваҷҷуҳи ҳамешагии Пешвои муаззами миллат ба соҳаи маориф омили муҳим дар таъмини ояндаи дурахшони кишвар ва тарбияи насли созанда мебошад.

Чунин дастгириву ғамхориҳо боис гардиданд, ки маориф ҳамчун соҳаи афзалиятнок дар сиёсати давлатӣ мавқеи устуворро ишғол намуда, барои рушди иқтисодиёт, фарҳанг ва пешрафти ҷомеа заминаи муҳайё гардонад. Ин аст, ки Ҳукумати Ҷумҳурии Тоҷикистон ба масъалаи сифати таълим, таҷҳизонидани муассисаҳои таълимӣ бо технологияҳои муосир ва дастгирии омӯзгорон аҳаммияти аввалиндараҷа медиҳад.

Бо мақсади амалӣ намудани дастуру супоришҳои Пешвои миллат дар самти рушди соҳаи маориф, Ҳукумати кишвар пайваста чорабиниҳои мушаххасро амалӣ менамояд. Аз ҷумла, бунёди муассисаҳои таълимии нав, таъмири биноҳои мавҷуда, таъмин намудани муассисаҳо бо таҷҳизоти муосир ва баланд бардоштани мақоми омӯзгор дар ҷомеа аз ҷумлаи ин тадбирҳо мебошанд. Инчунин, таваҷҷуҳи махсус ба таълими фанҳои табиатшиносӣ, дақиқ ва риёзӣ зоҳир гардида, барои рушди истеъдоди хонандагон шароити мусоид фароҳам оварда шудааст.

Дар замони муосир, ки ҷаҳонишавӣ ва технологияҳои иттилоотӣ рӯ ба густариш ниҳодаанд, муҳим аст, ки насли наврас бо дониши муосир мусаллаҳ гардида, барои рақобат дар бозори меҳнат омода бошад. Аз ин рӯ, Ҳукумати Ҷумҳурии Тоҷикистон таваҷҷуҳи хоссаро ба омӯзиши забонҳои хориҷӣ ва технологияҳои иттилоотӣ равона намудааст. Зеро омӯзиши забонҳои хориҷӣ имкон медиҳад, ки ҷавонон ба ҷаҳони дониш дастрасӣ пайдо намуда, барои рушди касбӣ ва шахсии худ имкониятҳои нав кашф намоянд.

Донишгоҳи байналмилалии забонҳои хориҷии Тоҷикистон ба номи Сотим Улуғзода, Донишгоҳи славянии Россия ва Тоҷикистон ва Донишкадаи тиббии иҷтимоии Тоҷикистон дар рушди соҳаҳои илму маориф ва тандурустии кишвар саҳми арзанда доранд. Ин муассисаҳо дар тайёр намудани кадрҳои баландихтисос, татбиқи барномаҳои таълимӣ ва тадқиқоти илмӣ нақши муҳим мебозанд.

Аз ҷумла, Донишгоҳи байналмилалии забонҳои хориҷии Тоҷикистон ба номи Сотим Улуғзода дар таълими забонҳои хориҷӣ, омодасозии тарҷумонҳо ва мутахассисони соҳаи лингвистика пешсаф аст. Донишгоҳи славянии Россия ва Тоҷикистон бошад, дар таҳкими робитаҳои фарҳангӣ ва илмии байни Тоҷикистон ва Россия мусоидат мекунад. Донишкадаи тиббии иҷтимоии Тоҷикистон, дар навбати худ, барои таъмини соҳаи тандурустӣ бо мутахассисони баландихтисос ва беҳтар намудани хизматрасонии тиббӣ дар ҷомеа саъю кӯшиш менамояд.

Сохтмони Муассисаи таҳсилоти миёнаи умумии №68 деҳаи Ярхаб Чуқураки Ҷамоати деҳоти Ҳиҷборак (4 синфхона барои 48 ҷойи нишаст дар як баст ва ҳуҷраи муаллимон)-ро ба анҷом расониданд, ки ин иқдом дар беҳтар намудани шароити таълим ва дастрасии хонандагон ба таҳсил мусоидат мекунад. Бунёди ин гуна муассисаҳо дар деҳот барои баланд бардоштани сатҳи маърифати ҷавонон ва таъмини ояндаи дурахшони онҳо мусоидат менамояд. Итминон дорем, ки ин мактаб дар тарбияи насли наврас ҳиссаи муносибии худро мегузорад.